Λαογραφικά Σαντας Τραπεζούντας Πόντου: "O Χριστόν, οι Άγγλ΄, οι Γερμανοί και οι Έλλενοι"

2016-04-28 19:11:40

Ο Χριστόν, όνταν επήγαν να στραυρών΄ν ατον, είδαν ατον δύο νομάτ΄ Άγγλ΄ και είπαν ατον... «δάσκαλε, εμείς ΄κ΄υποφέρομ΄ ατο να ελέπωμε τα΄Εβραίοις να πάγ΄νε σταυρώ΄νε΄ σε, ας δίγωμε τοι Φαρισαίοις

κάμποσον χρυσόν και φυγαδάζωμε σε».

Ο Χριστόν είπεν ατ΄ς «ευλοημέν΄να είσ΄νε εσείν και το χρυσάφ΄ν έσουν, εγώ, πουλλία μ΄, ας ση πατέρα μ΄την βουλήν κ΄επορώ να εβγαίω, αφίστε με ας αποθάνω για να συχωρίουνταν τ΄αμαρτίας έσουν».

Από τότε κιάν οι Άγγλοι πλεύ΄νε ΄ς σο χρυσάφ΄...

Τον Χριστόν έρθαν είδαν ατον και κάμποσοι Γερμανοί και είπαν ατον «δάσκαλε, ας φέρωμε στρατόν και γλυτώνωμε σε».

Ο Χριστόν είπεν ατ΄ς «ευλοημέν΄να είσ΄νε ασείν κι ο στρατός έσουν, άμα εγώ ΄κ΄επορώ να φεύω». Όλων ύστερα έρθαν είδαν τον Χριστόν και οι Έλλενοι και είπαν ατον «δάσκαλε, ΄κι θέλομε να ελέπωμε σε ΄ς

σ΄ Εβραίων τα χέρα, έλα ας κλέφτωμε σε και φεύωμε».

Ο Χριστόν εγέλασεν και είπεν ατ΄ς «ευλοημέν΄ να είσ΄νε εσείν και ο κλεψίος έσουν, αφίστε με, να φεύω κ΄επορώ».

Από τότε κιάν οι Ρωμαίοι εφορτώθαν τον κλεψίον, γιατί ευλόησεν ατο ο Χριστόν. Tromaktiko

ΜΟΙΡΑΣΤΕΙΤΕ

ΔΕΙΤΕ ΑΚΟΜΑ